ព្រះសីហនុ៖ ចូលឆ្នាំចិនរយៈពេល៣ថ្ងៃ ចាប់ពីថ្ងៃទី០៩-១១ ខែកុម្ភៈ ឆ្នាំ ២០២៤ ខេត្តព្រះសីហនុមានភ្ញៀវទេសចរសរុបចំនួន២៩៤,៣០១នាក់ ក្នុងនោះភ្ញៀវជាតិចំនួនជាង២៨ម៉ឺននាក់ និងភ្ញៀវបរទេសជាង១,១ម៉ឺននាក់។
ប្រធានមន្ទីរទេសចរណ៍ខេត្តព្រះសីហនុ លោក តាំង សុចិត្តគ្រឹស្នា បានបញ្ជាក់មកEAC ថាភ្ញៀវទេសចរដែលអញ្ជើញមកកម្សាន្តលេងនៅខេត្តព្រះសីហនុនៅថ្ងៃបុណ្យចូលឆ្នាំចិននេះ គឺមានការកើនឡើង១៧,៤៩% បើធៀបនឹងចូលឆ្នាំចិនឆ្នាំមុន។
ប្រធានមន្ទីរទេសចរបញ្ជាក់មកថា កំណើនភ្ញៀវទេសចរភាគច្រើននៅតាមឆ្នេរ រមណីយដ្ឋាន និងតាមកោះនានាក្នុងខេត្តព្រះសីហនុ។
លោកប្រធានមន្ទីរបានប្រាប់ថា ជាធម្មតាពេលបុណ្យទានម្តងៗ នៅតំបន់ឆ្នេរ និងរមណីយដ្ឋាននានា មានការពង្រាយកងកម្លាំងការពារសណ្តាប់ធ្នាប់ និងសុវត្ថិភាពដល់ភ្ញៀវទេស ហើយក្រោយចប់ព្រឹត្តិការណ៍នេះមន្ទីរទេសចរណ៍បានរៀបចំក្រុមការងារឱ្យបោសសម្អាតនៅតាមឆ្នេរជាប្រចាំផងដែរ៕